Ma'lumotlarga ko'ra, 2025 yilning 11 oyi davomida Xitoy Rossiyadan 1,9 milliard dollarlik oltin import qilgan. Yanvar–sentyabr oylarida esa bu ko'rsatkich faqat 9 million dollarni tashkil qilgan. 2024 yilning oktyabr–noyabr oylarida Rossiya Xitoyga oltin eksport qilmagan.
Tahlilchilar bu o'sishni Pekinning dollardagi zaxiralardan bosqichma-bosqich voz kechish siyosati bilan izohlashmoqda. Frantsiya ekspertlari Xitoy 2025 yilda jami 250 tonnagacha oltin sotib olgan bo'lishi mumkinligini, bu rasmiy e'lon qilingan raqamlardan ancha yuqori ekanini qayd etmoqda.
Shu bilan birga, turli nashrlar Xitoyning rasmiy e'lonlari haqida turli fikr bildirmoqda va Financial Times tahlilchilari Xitoy Xalq bankining ma'lumotlariga shubha bilan qarayotganini yozgan.
