O‘zbekistonda bolalarni zo‘ravonlikning barcha shakllaridan himoya qilish bo‘yicha 2026–2030 yillarga mo‘ljallangan Strategiya tasdiqlandi. Hujjat Ijtimoiy himoya milliy agentligi tomonidan ishlab chiqilgan bo‘lib, "Bolalarni zo‘ravonlikning barcha shakllaridan himoya qilish to‘g‘risida"gi Qonun ijrosini tizimli ta’minlashga qaratilgan.
Strategiya doirasida bolalar uchun xavfsiz muhit yaratish, zo‘ravonlik xavfi ostidagi bolalarni erta aniqlish va ularga kompleks ijtimoiy, psixologik hamda huquqiy yordam ko‘rsatish ko‘zda tutilgan. Xususan, 2026 yildan professional tutilgan oilalar bilan ishlash tizimi yo‘lga qo‘yilib, ustuvor e’tibor oilani qo‘llab-quvvatlash va uni saqlab qolishga qaratiladi.
Shuningdek, bolalarni jamiyatga moslashtirishga xizmat qiluvchi ijtimoiy integratsiya markazlari tashkil etilishi, bola huquqlarini kuchaytirishga qaratilgan qonunchilik o‘zgarishlari amalga oshirilishi belgilangan. Strategiya bolalar bilan ishlashda idoralararo hamkorlikni kuchaytirish va yagona elektron monitoring tizimini joriy etishni ham nazarda tutadi.
