Oq uy AQSh prezidenti Donald Trampning Minecraft o‘yinidagi qahramon sifatida tasvirlangan suratini e’lon qildi. Rasmi X ijtimoiy tarmog‘idagi rasmiy sahifada joylashtirilib, unga “Amerikaning eng pro-geymer Prezidenti!” deb izoh qo‘shilgan.
Post AQShda raqamli texnologiyalar bo‘yicha tadqiqot va ishlanmalar uchun berilgan soliq imtiyozlari videoo‘yinlar ishlab chiqarish sanoatida o‘sish qayd etayotgani haqidagi xabarga javoban e’lon qilingan.
Minecraft — kub shaklidagi bloklardan tuzilgan, ochiq dunyoni o‘rganish va qurishga asoslangan mashhur “sandbox” o‘yini bo‘lib, unda foydalanuvchilar qurish, izlanish, jang qilish va omon qolish kabi jarayonlarni boshdan kechiradi. O‘yin ta’lim sohasida ham keng qo‘llanadi.
