Farg'ona viloyati Quva tumanida 34 yoshli erkak o'z ayoli va voyaga yetmagan ikki farzandini o'ldirdi. Bu haqda darakchi.uz'ga Bosh prokuratura axborot xizmati rahbari Hayot Shamsutdinov xabar berdi.
Ma'lum qilinishicha, voqea 29 noyabr kuni sodir bo'lgan. Erkak ularni chopqi bilan o'ldirgan. Qotillik qurboni bo'lgan ayol 31 yoshda, qizi 5 yoshda, o'g'li 1 yoshda bo'lgan.
Ularni qasddan o'ldirgan erkakka nisbatan jinoyat ishi qo'zg'atilib, u prosessual tartibda ushlangan. Tergov harakatlari olib borilmoqda.
