Samarqandda ota o‘zining ikki o‘g‘li bilan yuk mashinasini yoqib yubordi. Holat yuzasidan Samarqand viloyati IIB axborot xizmati rasmiy ma’lumot berdi.
Ma’lum qilinishicha, joriy yilning 28 noyabr kuni soat 21:50da Toyloq tumani "Beklar" mahallasi hududida yashovchi 1985 y.t. fuqaro K.A. qo‘shni mahallada istiqomat qiluvchi, o‘ziga oldindan tanish bo‘lgan 1990 y.t. G‘.R. va 1991 y.t. N.R. lar bilan o‘rtalarida yuzaga kelgan o‘zaro kelishmovchilik natijasida janjal kelib chiqqan.
Mazkur janjaldan so‘ng, K.A. o‘zining 2005 va 2007 y.t. farzandlari bilan G‘.R va N.R. lar boshqaruvida bo‘lgan yuk avtomashinalariga benzin yoqilg‘isi sepib, yoqib yuborgan.
Yong‘in zudlik bilan bartaraf etilib, boshqa transport vositalari va ulardagi yuklarga zarar yetkazilishining oldi olingan.
Mazkur holat yuzasidan 29 noyabr kuni Toyloq tumani IIB huzuridagi Tergov bo‘linmasi tomonidan O‘zbekiston Respublikasi JKning 173-moddasi (Mulkni qasddan nobud qilish yoki unga zarar yetkazish) 2-qismi bilan jinoyat ishi qo‘zg‘atilib, aybdor shaxslarga nisbatan qamoqqa olish tarzidagi ehtiyot chorasi qo‘llangan.
Hozirda dastlabki tergov harakatlari olib borilmogda, deyiladi habarda.
