Afgʻonistonning Hirot viloyatida ayollarga nisbatan yangi cheklovlar joriy etildi. Viloyat gubernatori Zana Vohid qaroriga koʻra, endilikda ayollar paranjisiz holda shifoxonalarga, maktablarga va hatto taksiarga ham kiritilmaydi, deb xabar berdi Atlas Press.
Maʼlumotlarga koʻra, soʻnggi kunlarda paranjisiz ayollar viloyat shifoxonasi, qamoqxona, taʼlim boshqarmasi, banklar va FHDO idoralariga kiritilmayotgani kuzatilgan. Guvohlar aytishicha, hatto hijobdagi ayollar ham baʼzan binoga kirolmay, soatlab koʻchada kutishga majbur boʻlmoqda.
"Kabul Now" manbasining yozishicha, "Tolibon" hokimiyati taksi haydovchilariga ham paranjisiz ayollarni olib yurmaslik haqida koʻrsatma bergan. Bu buyruqni buzgan haydovchilar jazolanmoqda.
Eslatib oʻtamiz, oʻtgan yili "Tolibon" Hirotdagi ayollar kafesini ham aniq sababsiz yopib qoʻygan, yaqinda esa universitet xodimlariga ish vaqtida smartfondan foydalanishni taqiqlagan edi.
