Ijtimoiy tarmoqlarda tarqalgan “30 oktyabrdan boshlab maktablarda niqob taqish majburiy bo‘ladi” degan xabar asossiz.
“Sanepidqo‘mita” raisining birinchi o‘rinbosari Nurmat Atabekov bu borada aniqlik kiritdi: “Gap 26 sentyabr kuni qabul qilingan qaror haqida ketmoqda. Bu har yili mavsumiy gripp va O‘RK avj olishi oldidan beriladigan odatiy tavsiyalar holos. Hozircha epidemiologik vaziyat barqaror, maktablarda hamma o‘quvchilarga niqob taqish shart emas.”
Shuningdek, u ta’kidladi: agar sinfda yoki guruhda kasallik holatlari qayd etilsa, o‘sha joyda niqob taqish tavsiya etiladi, ammo “hamma uchun majburiy tartib” degan gap mutlaqo noto‘g‘ri.
Mutaxassislar har doimgidek, havo-tomchi yo‘li bilan yuqadigan kasalliklardan saqlanish uchun ijtimoiy masofa saqlash, xonalarni shamollatish va zarurat bo‘lsa, niqob taqishni tavsiya etmoqda.
Xulosa qilib aytganda, bu qaror — odatdagiy profilaktik hujjat, ommaviy cheklov emas.
