Toshkent shahar hokimligi poytaxtda avtobuslar uchun alohida ajratilgan yo‘laklar infratuzilmasi barpo etish bo‘yicha yangilangan rejalarini taqdim etdi.
Unga ko‘ra, 10 ta ko‘chada BRT tizimi barpo etiladi, ularning uzunligi qariyb 51 kilometrni (eski taqdimotda 57,5 km edi) tashkil etadi. Taqdimotda ko‘rsatilgan KHAY— Parkent ko‘chalari o‘rniga Alisher Navoiy— Beruniy ko‘chalari qo‘shilgan.
Shota Rustaveli (5,1 km), Shahrisabz (3,2 km), Amir Temur (5,7 km), Yangi Sergeli (5,3 km), Mahtumquli (1,3 km), Mirzo Ulug‘bek – Feruza – Yuzrabot (10,4 km), Lutfi va Muqimiy (5,9 km), Nurafshon (3,7 km), Qoratosh – Ko‘kcha darvoza (4 km) hamda Alisher Navoiy – Beruniy (6 km) ko‘chalarida BRT barpo etiladi.
Ushbu ishlarni amalga oshirish uchun 126 million dollar (eski taqdimotda 110 million dollar edi) sarflash ko‘zda tutilmogda.
