Ta'lim krediti berilishni boshlagandan beri talabalarning kontrakt bo‘yicha muammolari ancha yengillandi. 2023 yilda tijorat banklari tomonidan jami 2,7 trln so‘mlik ta'lim kreditlari ajratilib, 241 mingta talaba qamrab olindi. Ushbu kreditlarning katta qismi, ya'ni 80 foizi xotin-qizlarga berildi.
2024 yil I yarim yilligi davomida esa imtiyozli ta'lim kreditlari uchun 328,4 mlrd so‘m ajratildi. Mazkur kreditlar bilan 40 mingdan ziyodroq nafar talabalar qamrab olindi. Ushbu kreditlarning 77,2 foizi xotin-qizlarga berilgan.
2024 yil 27 maydagi 82-sonli Prezident Farmoniga ko‘ra, endilikda ta'lim krediti ajratish jarayoni ham sifat va natijadorlikka bog‘lanadi — ya'ni talabalar o‘z o‘qishidagi baholari, fanlarni o‘zlashtirish darajasi va faolligiga qarab ta'lim kreditini olish imkoniyatiga ega bo‘ladilar.
Bu haqda Markaziy bank bosh iqtisodchisi Lazizxo‘ja Muhammadov shunday deydi: "Endi ta'lim kreditlarini berish va uni qaytarish sifat bosqichiga ota boslandi. Oliy ta'lim tashkilotlarining ikkinchi va undan yuqori kurs talabalari uchun fanlarni o‘zlashtirishning o‘rtacha ko‘rsatkichi “3” dan past bo‘lgan taqdirda to‘lov-kontrakt summasining ko‘pi bilan 80 foizi miqdorida ta'lim kredit olishlari mumkin. Ya'niki, talaba qolgan 20 foiz kontrakt miqdorini ta'lim kredit chiqqunicha o‘zi to‘lashi kerak bo‘ladi".
Ta'lim krediti haqida ko‘proq ma'lumot olish uchun D.uzni markaziy bank mas'ullari bilan podkastini YouTube sahifamizda ko‘ring
