Farg‘ona viloyati Furqat tumanida maktab direktori IIB xodimlari tomonidan yechintirilib, do‘pposlangani haqidagi xabar jamoatchilikning keskin e’tiroziga sabab bo‘ldi.
Oliy Majlis Senatining Mudofaa va xavfsizlik masalalari qo‘mitasi holatni nazoratga olganini ma’lum qildi. Senator Malika Qodirxanova tizimdagi bunday qonunbuzilishlarga nisbatan qat’iy chora ko‘rilishi zarurligini ta’kidladi.
Jamiyatdagi bunday holatlar davlat idoralariga bo‘lgan ishonchga putur yetkazmasligi uchun parlament nazoratining ahamiyati katta ekani qayd etilmoqda.
