General Muhsin Rizoiy agar Isroil uning mamlakatiqa qarshi yangi hujum boshlasa, Eron AQSH bilan urushga kirishishidan ogohlantirdi. Bu haqda "Iran International" xabar berdi.
“Sionistlar (Isroil) Eronga qarshi yana bir bor omadini sinab ko‘rmoqchi. Biroq, yaqin orada Isroil ichida shunday voqealar sodir bo‘ladiki, bu ularning rejalarini amalga oshirishni imkonsiz qiladi. Hozircha bu haqda gapirish o‘rinli emas”,— deydi general.
Uning bayonoti BMT tomonidan Eronga qarshi sanksiyalar “snapback” mexanizmi orqali tiklanaganidan keyin, Isroil xavfsizlik holatini kuchaytirgan paytga to‘g‘ri keldi.
Generalning ta’kidlashicha, Tehron Isroilga o‘z pozitsiyasini mustahkamlash uchun vaqt beradigan G‘arb davlatlari bilan keyingi muzokaralarni qabul qilmaydi.
“Isroilga vaqt berish yoki uni kuchaytirish maqsadidagi muzokaralarni mutlaqo qabul qilib bo‘lmaydi. Agar shunday bo‘lsa, Isroil urush boshlishi bilan biz ham Qo‘shma Shtatlar bilan urushga kirishamiz”, dedi general.
Rizoiy muzokaralarga kirishilgan taqdirda, bu Eronga qarshi ishlatilmasligi kerakligini aytdi.
“Aks holda, biz javob qaytaramiz; nafaqat Isroilga, balki mintaqadagi Amerika ob’ektlariga ham”, deya xulosa qildi u.
