Bosh prokuratura huzuridagi Departament hududiy bo‘limlari tomonidan o‘tkazilgan tekshiruvlarda:
Yuqori Chirchiq tumanida fuqaro D.F. va boshqalar shartnomasiz ravishda gaz tarmog‘iga ulanib, 350,8 million so‘mlik tabiiy gazni tijorat maqsadida ishlatgani aniqlangan;
Mingbuloq tumanida “I.L.” fermer xo‘jaligi vakillari suv nasoslarini elektrom tarmog‘iga noqonuniy ulab, 238,8 million so‘mlik elektrom energiyasidan foydalangan;
Pastdarg‘om tumanida esa “S.” fermer xo‘jaligi artezian qudug‘ini umumiy tarmoqqa ulab, 262,8 million so‘mlik zarar keltirgan.
Mazkur holatlar yuzasidan Jinoyat kodeksining 169-moddasi (o‘g‘rilik) bilan jinoyat ishlari qo‘zg‘atilib, tergov harakatlari olib borilmoqda.
