"O‘zenergoinspektsiya" Farg‘ona viloyati boshqarmasi o‘tkazgan tekshiruvda "B.O", "S.H" va "Y.S.O" MChJlarga qarashli 3 ta yo‘nilg‘i quyish shoxobchasida sifatssiz benzin sotilgani ma’lum bo‘ldi.
Laboratoriya tahlillari natijasida Ai-80 va Ai-92 markali avtobenzin davlat standartlariga javob bermasligi tasdiqlandi. Mazkur qonunbuzarliklar uchun AYO‘QShlarga 30,9 million so‘m jarima qo‘llandi.
Shuningdek, qoldiq sifatida saqlanayotgan yo‘nilg‘ini sotuvga chiqarmaslik va uning sifatini qayta tiklash bo‘yicha ko‘rsatma berildi.
