Sirdaryo viloyati hokimi vazifasini bajaruvchi Erkinjon Turdimov 27 avgust kuni bo‘lib o‘tgan to‘rtinchi ustozlar milliy forumida majburiy mehnatga chiqadigan o‘qituvchilar ham ishdan olinishi kerakligini aytdi.
“Bironta maktabda agar majburiy mehnat bo‘ladigan bo‘lsa, avtomatik tarzda direktori ishdan olinishi kerak va shu majburiy mehnatga chiqqan odamni ham ishdan olish kerak. Chunki uni majburlab chiqargan bo‘lsa, hech qanaqa huquqi yo‘q bo‘lsa, chalasavod bo‘lsa, ko‘rmulla bo‘ladigan bo‘lsayu, uni ychiqy desa chiqib ketaversa, u qanaqa o‘qituvchi bo‘ladi?”, .— deydi hokim.
Shuningdek, Turdimov maktablardagi majburiy obuna masalasiga ham to‘xtalib o‘tgan.
"Birorta o‘qituvchi gazetaga majburan obuna bo‘ladigan bo‘lsa, o‘sha maktab direktori ishdan olaman. Hamma bilib olsin. O‘sha paytda ishdan olaman. Obuna bo‘ladigan bo‘lsangiz, o‘zingiz obuna bo‘ling. O‘qituvchiga teginmang”, deydi viloyat rahbari.
