Mirziyoyev qatag‘on qurbonlarini yod etadi

Prezident Shavkat Mirziyoyev 29 avgust kuni Shahidlar xotirasi xiyobonida bo‘lib, qatagon qurbonlarini yodga oldi. Davlat rahbari marosimda ishtirok etib, milliy ozodlik, Vatan va e’tiqodi uchun jonini fido qilgan yurtdoshlar xotirasini hurmat bilan yod etdi. Shundan so‘ng, prezident “Yangi O‘zbekiston” bog‘idagi Mustaqillik monumenti poyiga gul qo‘ydi. Ushbu ramziy harakat orqali mamlakat mustaqilligining qadri va uning yo‘lida fidokorona xizmat qilgan avlodlar xotirasi yana bir bor e’zozlandi. Shu kuni Shavkat Mirziyoyev poytaxtda amalga oshirilayotgan bunyodkorlik ishlari bilan ham tanishishi rejalashtirilgan. Jumladan, yangi ijtimoiy va infratuzilma loyihalarining borishi ko‘zdan kechirilishi kutilmog‘da. Kechqurun esa davlat rahbari O‘zbekiston Respublikasi mustaqilligining 34 yilligiga bag‘ishlangan bayram tadbirida ishtirok etib, xalqimizga tabrik so‘zi bilan murojaat qiladi. Tadbir davomida mamlakat rivojlanishi, kelgusi rejalar va yangilanish jarayonlari haqida so‘z yuritilishi kutilmog‘da.