Majburiy ijro byurosining (MIB) Toshkent shahar Uchtepa tuman bo‘limiga murojaat qilgan fuqaro Sh.J. voyaga yetmagan 4 nafar farzandining kelajakdagi ta’minoti uchun 2 milliard 442 million so‘mlik alimentni oldindan to‘ladi.
Qarzdor sud qaroriga binoan farzandlariga daromadining yarmi miqdorida aliment to‘lashi belgilangan. U ariza bilan murojaat qilib, bolalari voyaga yetguniga qadar bo‘lgan 16 yilga mo‘ljallangan umumiy to‘lovni oldindan amalga oshirishni so‘ragan.
MIB ma’lumotiga ko‘ra, ushbu mablag‘ undiruvchi — farzandlar onasi Sh.D. ga to‘lab berilgan. Shu tariqa ijro hujjati o‘z vaqtida va to‘liq tamomlangan.
Bu holat Toshkentda aliment to‘lovi bo‘yicha eng yirik miqdordagi oldindan to‘lov sifatida qayd etildi.
