Bugun, 18 avgust kuni Prezident Shavkat Mirziyoyev tadbirkorlar kuni munosabati bilan soha vakillaridan bir guruhini mukofotladi. Bu haqda davlat rahbarining matbuot xizmati ma’lum qildi.
Mukofotlanganlar qatorida sobiq Toshkent shahri hokimi, tadbirkor Jahongir Ortiqxo‘jayevni "Fidokorona xizmatlari uchun" ordeni bilan taqdirlagan.
Ma’lumot uchun, Jahongir Ortiqxo‘jayev 2018-2023 yillarda Toshkent shahri boshqargan.
U 2023 yil 16 yanvar kuni Prezident huzurida bo‘lib o‘tgan energiya resurslari ta’minoti yuzasidan yig‘ilishda shaxsan Shavkat Mirziyoyev tomonidan tanqid qilinib, "oyoqi yerdan uzilgan"likda ayblanib, ishdan olingan edi.
Jahongir Ortiqxo‘jayev lavozimidan ozod etilganidan keyin ancha vaqt davomida hukumat tadbirlarida ko‘rinish bermagan edi.
2024 yilga kelib, u yana davlat tadbirlarida qatnasha boshladi. Masalan, Prezidentning Qoraqalpog‘iston Respublikasida tadbirkorlar bilan bo‘lib o‘tgan uchrashuvida hamda Ozarbayjon va O‘zbekiston Prezidentlari ishtirokida mamlakat ishbilarmon doira vakillari bilan muloqotda.
