2024 yilda O‘zbekiston aeroportlarida 46 nafar yo‘lovchi sog‘lig‘i sababli parvozga qo‘yilmagan. Joriy yilning olti oyida esa 61 yo‘lovchiga parvoz qilishga ruxsat berilmagan.
“Noxush holatlarning aksariyati parvoz vaqtida ro‘y beradi, shu bois yo‘lovchilar yuzaga kelishi mumkin bo‘lgan xavflarni oldindan bilishlari va havo qatnoviga qarshi ko‘rsatmalarni inobatga olishlari zarur. Shunday qilib, 2024 yilda 14 ta o‘lim holati qayd etilgan bo‘lib, ulardan 11 tasi samolyot bortida, 3 tasi Toshkent xalqaro aeroportining uchib kelish zalida sodir bo‘lgan. 2025 yilning hozirgi kuniga qadar 5 ta o‘lim holati qayd etilgan va ularning barchasi manzilga yetib borgunga qadar samolyot bortida ro‘y bergan”, — degan kompaniyaning tibbiy xizmatni rivojlantirish bo‘limi boshlig‘i Sevara Solihova.
Shuningdek, kompaniya quyidagi hollarda yo‘lovchilardan parvozga chiqmaslikni so‘ragan:
yaqin orada o‘tkazilgan jarrohlik operatsiyalari;
o‘tkir yurak-qon tomir kasalliklari (masalan, yurak xuruji, beqaror stenokardiya);
insult va boshqa o‘tkir nevrologik holatlar;
pnevmotoraks, og‘ir bronxial astma, pnevmoniya;
tromboemboliya, faol qon ketish, og‘ir anemiya;
quloq, burun bo‘shliqlari va ko‘zlarning barotravmasi;
homiladorlikning so‘ngi bosqichlari, ayniqsa og‘ir asoratlar bo‘lsa.
