O‘zbekiston tashqi ishlar vaziri Eron Islom Respublikasining tashqi ishlar vaziri Sayyid Abbos Arokchi bilan uchrashdi.
Uchrashuvda ikki mamlakat o‘rtasidagi ko‘p qirrali va tarixiy asosga ega aloqalarni chuqurlashtirish masalasi muhokama qilindi.
Tomonlar O‘zbekiston va Eron o‘rtasidagi savdo hajmi ortib borayotganini qayd etib, iqtisodiy hamkorlikni kengaytirishning istiqbolli yo‘nalishlari yuzasidan fikr almashgan.
Xususan, o‘zaro manfaatli sohalarda hali foydalanilmagan salohiyat mavjudligi ta’kidlangan.
Shuningdek, mintaqaviy tinchlik, barqarorlik va taraqqiyotda diplomatiyaning o‘rni alohida e’tirof etilgan.
