"Hududiy elektr tarmoqlari" AJ iste’molchilarga yetkazilayotgan noqulaylik uchun uzr so‘ragan holda, rejaviy o‘chishlar haqida aholini xabardorligini yanada oshirish choralari ko‘rilishni ma’lum qildi.
Xabarga ko‘ra, Toshkent shahri va viloyatlarda joriy yil kuz-qish mavsumiga tayyorgarlik ko‘rish hamda farmonlar ijrosini ta’minlash maqsadida taqsimlash tarmoqlarida yangilash hamda ta’mirlash ishlari olib borilmoqda.
Mazkur jarayonda ishchi-xodimlarning xavfsizligi ta’minlash maqsadida hududlar kesimida rejaviy o‘chirishlar amalga oshirilmoqda. Bunday rejaviy o‘chirishlar Toshkent shahri va hududlarda jamiyatning korxona va filial axborot xizmatlari tomonidan doimiy ravishda e’lon qilinib borilishi ta’minlangani keltirilgan.
Shuningdek, issiq kunlarda ma’lum hududlarda avariyaviy holatlarning yuzaga kelishi ham elektr energiyasida uzilishlarni vujudga keltirib chiqarishiga sabab bo‘lmoqda, deyiladi xabarda.
