Janubiy Koreya razvedkasi KXDR yetakchisi Kim Chen In Rossiya prezidenti Vladimir Putinga yana bir “sovg‘a” yuborganini ma’lum qilgan. Avvalroq qurol va harbiy kuch bilan yordam bergan Pxenyan endilikda Rossiyaga mehnat migrantlarini ham yubormoqda.
Shimoliy Koreyadan 15 mingga yaqin ishchi Rossiyaga jo‘natilgan. Ulardan ko‘pchiligi mamlakatga talabalar vizasi bilan kirgan. Ishchilar asosan Rossiyaning Uzoq Sharq hududlarida ishlamoqda. Shu bilan birga, mahalliy biznes vakillari va rasmiylar yaqin orada shimoliy koreyalik ishchilar Moskvaga va boshqa yirik shaharlarga ham kelishidan umidvor.
Ish beruvchilar ularni past ish haqi evaziga har kuni 12 soatlab e’tirozsiz ishlashga tayyorligi sababli qadrlashini bildirgan.
WSJ manbasiga ko‘ra, 2024-yilda Rossiyaga kirib kelgan shimoliy koreyaliklar soni o‘tgan yilga nisbatan 12 barobarga oshgan. Bu esa BMT Xavfsizlik Kengashi tomonidan belgilangan sanksiyalarga zid bo‘lib, Pxenyan mehnat migrantlarini xorijda ishlatishni taqiqlagan. Shunga qaramay, Rossiya va Xitoy ushbu cheklovlarni bir necha bor buzgan.
