AQSHdagi hukumat yig‘ilishlaridan birida O‘zbekiston paxtasi muhokama qilindi. Lekin qayg‘uli jihati, Amerika mehnat vaziri O‘zbekistondagi paxta sanoatidagi shaffoflikni ta’minlashda 250 million dollar tejab qolingani haqida ma’lumot berganida Ilon Mask kulib yubordi.
«Ba’zi narsalar shunchalik qiziqki, ishonging kelmaydi. O‘zbek paxtachi fermerlari-ya? Bu qandaydir hajviy sketchga o‘xshaydi” degan Ilon Mask.
Ma’lumki Ilon Mask AQSH prezidenti Donald Tramp tomonidan “Hukumat faoliyati samaradorligi departamenti” rahbari etib tayinlangan va unga katta vakolatlar hamda ko‘plab yopiq davlat ma’lumotlariga kirishga ruxsat berilgan. Ayni paytgacha Ilon Mask tavsiyaisi bilan 121 ming federal xodim ishdan bo‘shatildi, ko‘plab moliyaviy yordam loyihalari to‘xtatildi.
Ilon Maskning o‘zbek paxtasi borasidagi kinoyasida ham jon bor. Zero O‘zbekistonda birinchi ma’muriyat davrida paxta sanoati o‘ta yopiq, noshaffof va korrupsiyalangan tizim bo‘lgan. Paxtadan tushadigan foyda ham davlat byudjetiga emas, bir hovuch korrupsionerlar cho‘ntagiga tushgan. Majburiy bolalar mehnati odatiy hol bo‘lib qolgan. Natijada ko‘plab xalqaro brendlar o‘zbek paxtasiga boykot e’lon qilishdi va o‘zbek paxtasining bozori kasod bo‘la boshladi.
Shavkat Mirziyoyev davlat tepasiga kelgach, qator demokratik va iqtisodiy islohotlar natijasida majburiy mehnatga chek qo‘yildi va o‘zbek paxtasiga qo‘yilgan boykot bekor qilindi.
Abdulloh Sayyid
