Buyuk Britaniyada o‘tgan auksionda “Titanik” kemasidan yuborilgan ochiq xat rekord narxda — 350 ming yevroga sotildi. Ushbu tarixiy xat amerikalik investor va yozuvchi Archibald Gracy IV tomonidan yuborilgan.
Ochiq xatda Gracy shunday deb yozgan edi:
“Bu ajoyib kema, lekin safarim tugamaguncha uning haqidagi fikrimni bildirishga shoshilmayman”.
Auksion Angliyaning Uilshir grafligidagi mashhur “Henry Aldridge Son uyida tashkil etilgab. Boshlang‘ich narx 60 ming funt sterling bo‘lgan bo‘lsa-da, savdo yakunida ochiq xat besh baravar qimmat narxda — AQShlik xususiy kolleksioner tomonidan xarid qilingan.
Omon qolgan kam sonli yo‘lovchilardan biri
Archibald Gracy IV “Titanik” halokatidan omon qolgan kam sonli yo‘lovchilardan biri sifatida tarixda qolgan. Halokat chog‘ida u kemadan sakrab, muzdek suvda ag‘darilgan qutqaruv qayig‘iga chiqqan va qutqarilgan.
Nyu-Yorkka qaytgach, Gracy kema fojiasi haqida “Titanik haqidagi haqiqat” nomli kitob yozgan.Biroq sovuq suvda olgan jismoniy zarbalar va sog‘ligi bilan bog‘liq muammolar sabab, u 1912-yil dekabr oyida vafot etgan.
