Irrigasiya va meliorasiya holati yomonlashuvi natijasida foydalanishdan chiqqan 1,1 mln gektar erlarni oborotga kiritish Konsepsiyasi qabul qilindi

Avval xabar berganimizdek, Toshkentda “Barqaror rivojlanish maqsadlari: oziq ovqat xavfsizligi va suv ta`minoti” xalqaro konferensiyasi bo`lib o`tmoqda. Unda Qishloq xo`jaligi vaziri Aziz Voitov kirish so`zi bilan ochib berar ekan, Irrigasiya va meliorasiya holati yomonlashuvi natijasida foydalanishdan chiqqan 1,1 mln gektar erlarni oborotga kiritish Konsepsiyasi qabul qilinishi haqida so`zladi. 

O`tgan davrda oborotdan chiqqan, lalmi, yaylov erlardan qariyb 580 ming gektari  foydalanishga kiritildi,  deydi vazir. 

Shuningdek, o`zlashgan erlarda 280 ming aholi bandligi ta`minlandi va qo`shimcha 3,7 mln tonna mahsulot etishtirildi.

Qishloq xo`jaligi erlarining chet el investisiyasi ishtirokidagi korxonalarga 25 yilga ijaraga berilishi belgilandi.

Qariyb 1,4 mln gektarda suv tejovchi texnologiyalar joriy qilindi, 4,5 mlrd m3 suv iqtisod qilindi, 350 mlrd so`m subsidiya berildi.

Kelgusi 5 yilda yana 500 ming gektar erlar foydalanishga kiritiladi, 2 mln ga suv tejovchi texnologiya joriy qilinadi.