Kohota Buzruk jome masjidi ko`hna Shoshning sobiq Sebzor dahasi Taxtapul darvozasi yaqinida, hozirgi Shayxontohur tumani Kohota mahallasida joylashgan.
Masjid taxminan XVIII asrda barpo etilgan. Uning ichida Kohota Buzruk maqbarasi joylashgan.
Kohota Buzruk (Buzurg) shaxsi to`g`risida turli qarashlar mavjud. Sharqshunos A.Nosirovning «Toshkent mashoyixlari» manbasi ma`lumotlariga qaraganda, Kohotaning asl ismi Said Kamoliddin Shomiy bo`lgan.
Muhammad Solihxo`ja Toshkandiyning (XIXasr) yozishicha, Kohota Xoja Ahmad Yassaviy sulukiga mansub shayxlardan bo`lgan ekan.
