"Qamchiqavtoyo`l" ixtisoslashtirilgan yo`llardan foydalanish unitar korxonasiga Korrupsiyaga qarshi kurashish agentligi tomonidan tekshiruv o`tkazildi. Bu haqda Agentlik axborlt xizmati xabar bermoqda.
Ma`lum qilinishicha, “Qamchiqavtoyo`l” ixtisoslashtirilgan yo`llardan foydalanish unitar korxonasi buyurtmachiligida 2023 yil 21 iyun o`tkazilgan 983,5 mln so`mlik davlat xaridida sohaga oid qonunchilik talablariga amal qilinmaganligi va boshqa qonunbuzilishi holatlariga yo`l qo`yilganligi aniqlan
Xususan, ushbu xaridda ishtirok etgan tadbirkorlardan 2 nafarining barcha hujjatlari xarid komissiyasi tomonidan foydalanilgan kompyuterning IP-manzili orqali elektron platformaga yuklangan.
Natijada O`zbekiston Respublikasi “Davlat xaridlari to`g`risida”gi Qonunning 10-moddasi (raqobat va xolislik prinsipi), 14-moddasi (manfaatlar to`qnashuvi), 46-moddasi (davlat xaridlari jarayonidagi cheklovlar) talablari buzilgan.
Mazkur holatlar bo`yicha 2023 yil 21 iyun kuni xarid komissiyasining bayonnomasini bekor qilish to`g`risida buyurtmachiga taqdimnoma kiritildi va qonuniy chora ko`rish uchun to`plangan hujjatlar Bosh prokuratura huzuridagi Iqtisodiy jinoyatlarga qarshi kurashish departamentiga yuborildi.
Holat bo`yicha xizmat tekshiruvi o`tkazish uchun O`zbekiston Respublikasi Avtomobil yo`llari qo`mitasiga so`rovnoma kiritildi.
Agentlikning taqdimnomasiga binoan “Qamchiqavtoyo`l” ixtisoslashtirilgan yo`llardan foydalanish unitar korxonasi tomonidan 22 iyun kuni xarid komissiyasining bayonnomasi bekor qilindi, deyiladi xabarda.
