"Қамчиқавтойўл" ихтисослаштирилган йўллардан фойдаланиш унитар корхонасига Коррупцияга қарши курашиш агентлиги томонидан текширув ўтказилди. Бу ҳақда Коррупцияга қарши курашиш агентлиги ахборот хизмати хабар бермоқда.
Маълум қилинишича, “Қамчиқавтойўл” ихтисослаштирилган йўллардан фойдаланиш унитар корхонаси буюртмачилигида 2023 йил 21 июнь ўтказилган 983,5 млн сўмлик давлат харидида соҳага оид қонунчилик талабларига амал қилинмаганлиги ва бошқа қонунбузилиши ҳолатларига йўл қўйилганлиги аниқлан
Хусусан, ушбу харидда иштирок этган тадбиркорлардан 2 нафарининг барча ҳужжатлари харид комиссияси томонидан фойдаланилган компютернинг ИП-манзили орқали электрон платформага юкланган.
Натижада Ўзбекистон Республикаси “Давлат харидлари тўғрисида”ги Қонуннинг 10-моддаси (рақобат ва холислик принсипи), 14-моддаси (манфаатлар тўқнашуви), 46-моддаси (давлат харидлари жараёнидаги чекловлар) талаблари бузилган.
Мазкур ҳолатлар бўйича 2023 йил 21 июнь куни харид комиссиясининг баённомасини бекор қилиш тўғрисида буюртмачига тақдимнома киритилди ва қонуний чора кўриш учун тўпланган ҳужжатлар Бош прокуратура ҳузуридаги Иқтисодий жиноятларга қарши курашиш департаментига юборилди.
Ҳолат бўйича хизмат текшируви ўтказиш учун Ўзбекистон Республикаси Автомобиль йўллари қўмитасига сўровнома киритилди.
Агентликнинг тақдимномасига биноан “Қамчиқавтойўл” ихтисослаштирилган йўллардан фойдаланиш унитар корхонаси томонидан 22 июнь куни харид комиссиясининг баённомаси бекор қилинди, дейилади хабарда.
