Ijtimoiy tarmoqlarda Jizzax viloyati, Yangiobod tumanining Uchturgon qishlog`ida fuqaro tomonidan bo`rining so`yilishi aks etgan suratli xabar tarqaldi. Tabiat resurslari vazirligi holat bo`yicha rasmiy munosabat berdi.
Xabarda aytilishicha, Jizzax viloyati boshqarmasi ekologik inspeksiyasi tomonidan o`rganish olib borilgan.
O`rganishlar davomida Yangiobod tumani "Havotog`" QFYning Uchturgon qishlog`ida yashovchi fuqaro J.Z. tomonidan bundan ikki yil oldin ushbu holat sodir etilgani aniqlandi.
Holat yuzasidan fuqaroga O`zbekiston Respublikasi MJtKning 90-moddasi, 1-qismiga asosan ma`muriy bayonnoma rasmiylashtirilib, BHMning o`n baravari, ya`ni 3 mln. so`m miqdorida jarima qo`llanildi.
