AGMK jamoasi yangi mavsum oldidan seleksiya ishlarini jadallik bilan olib bormoqda. Klub tarkibdagi shartnomasi tugagan futbolchilar bilan o`rtadagi bitimni uzaytirish borasida muzokaralarga kirishgan.
Klub rasmiy sayti xabariga ko`ra, 2019 yili jamoaga kelgan yarim himoyachi Mirjamol Qosimov bilan o`rtadagi shartnomani 2 yilga uzaytirdi. Mirjamol Qosimov 2023 yilgi mavsum yakuniga qadar AGMK jamoasi sharafini himoya qiladi.
Shuningdek, 2020 yili jamoaga kelgan tajribali futbolchi Sanjar Tursunov bilan o`rtadagi shartnomani 2 yilga uzaytirdi. Sanjar Tursunov 2023 yilgi mavsum yakuniga qadar AGMK jamoasi sharafini himoya qiladi.
