Qayd etilishicha, elektr stansiyasi yiliga 2,2 milliard kilovatt-soat elektr energiyasi ishlab chiqarib, viloyatning 80 foiz iste`molini qoplaydi.
Avvalroq 2021 yil 31 dekabr kuni Turkiyaning “Aksa Enerji” kompaniyasi tomonidan Buxoro viloyatining Buxoro tumanida qurilgan, quvvati 270 MVt bo`lgan gaz-porshenli issiqlik elektr stansiyasining qurilmasi ishga tushirilgani haqida yozgandik.
Energetika vazirligining ma`lum qilishicha, mazkur elektr stansiya kecha, 11 yanvar kuni soat 16:32 da O`zbekistonning yagona elektr tarmog`iga quvvat uzatishni boshladi.
Ta`kidlanishicha, ushbu stansiya yiliga 2,2 milliard kilovatt-soat elektr energiyasi ishlab chiqarib, viloyatning 80 foiz iste`molini qoplaydi.
"Qurilmalarning foydali ish koefisienti yuqoriligi hisobiga yiliga 260 million metr kub tabiiy gaz tejaladi. Tejalgan tabiiy gaz hisobiga qo`shimcha 900 million kilovatt-soat elektr energiyasi ishlab chiqarish imkoni yaratiladi",-deya ma`lum qilinadi.
Shuningdek, vazirlik ushbu investisiya loyihasi O`zbekiston Prezidentining 2021 yil 4 martdagi PQ-5018-son qaroriga muvofiq davlat-xususiy sheriklik tamoyillari asosida amalga oshirilganini qayd etadi.
