Joriy yilning 3 yanvar kuni soat 09:00 chamasida Farg`ona shahar Al-Farg`oniy va Temiryo`lchilar ko`chalari kesishgan chorrahada jinoyat ishlari bo`yicha Qo`qon shahar sudi sudyasi M. U. ishtirokida yo`l transport hodisasi sodir bo`ldi. Bu haqda Sudyalar oliy kengashi matbuot xizmati xabar berdi.
M. U. boshqaruvidagi “Neksiya-2” va yo`l transport hodisasining yana bir ishtirokchisi X. A. boshqaruvidagi “Neksiya-3” avtotransport vositalari shikastlangan. Ikki tarafdan ham og`ir bo`lmagan tan jarohati olganlar bor.
Ayni paytda holat yuzasidan vakolatli organ xodimlari surishtiruv ishlari olib bormoqda.
