“O`zbekiston temir yo`llari” AJ tomonidan qo`shimcha kassa terminallari tashkil etilib, talaba -o`quvchilarga xizmat ko`rsatish uchun qo`shimcha ishchi-xodimlar jarayonlarga jalb etildi. Bu haqda Transport vazirligi Axborot xizmati xabar bermoqda.
Bugungi kunda Respublika bo`yicha umumiy 34 ta temir yo`l vokzallari mavjud bo`lib, 7 yanvar holatiga ushbu vokzallarda 138 ta kassa terminallari va 276 ishchi-xodim talaba-o`quvchilarning chiptalarini qayta rasmiylashtirish uchun jalb qilindi.
7 yanvar kuni davomida jami 9410 ta talaba-o`quvchining chegirmali chiptalari tizimga (ASU-EKSPRESS) qaytarilgan. Sutka davomida 8487 ta temir yo`l chiptasi talaba-o`quvchilarga qayta imtiyozli chiptalar rasmiylashtirildi.
Jumladan:
- Toshkent viloyati bo`yicha 271 ta;
- Toshkent shaHri bo`yicha 56 ta;
- Farg`ona vodiysi bo`yicha 1250 ta;
- Samarqand viloyati bo`yicha 410 ta;
- Buxoro va Navoiy viloyatlari bo`yicha 1435 ta;
- Qashqadaryo viloyati bo`yicha 814 ta;
- Surxondaryo viloyati bo`yicha 935 ta;
- Xorazm viloyati bo`yicha 1893;
- Qoraqalpog`iston Respublikasi bo`yicha 1423 ta.
8 yanvar holatiga joylarda 145 ta (qo`shimcha 7 ta) kassa terminallari ishga tushurildi va talaba-o`quvchilarga xizmat ko`rsatish uchun 350 nafar (qo`shimcha 74) ishchi-xodim jalb qilindi.
