O`zEOAVMAning Xalqaro media xollida Korrupsiyaga qarshi kurashish agentligi bilan hamkorlikda “Davlat organlari faoliyatining ochiqligi va shaffofligi: O`zbekiston tajribasi va xorij amaliyoti” mavzusidagi davra suhbatida Korrupsiyaga qarshi kurashish agentligi raisi yaqinda Korrupsiyaga qarshi kurashish hududiy kengashlariga nima uchun hokimlar rais bo`lganini izohladi:
— Bu kengashlar korrupsiyaga qarshi kurashuvchi organ emas. Ijtimoiy tarmoqlarda "Qanday qilib o`zi hokim bo`la turib, nazorat qiladi?" degan fikrlar paydo bo`ldi. Ushbu kengashning asosiy maqsadi hududdagi korrupsion holatlarni bartaraf etish. Kengash Korrupsiyaga qarshi kurashish agentligi oldida ma`lumot berib boruvchi idoralararo kollegial organ sifatida tashkil etilgan.
