Адлия вазирлиги ташаббуси билан ишлаб чиқилган янги тартибга кўра, фуқаролар эндиликда банклардан 500 АҚШ долларигача бўлган нақд чет эл валютасини паспорт ёки ID-картасиз харид қилиш имкониятига эга бўлиши мумкин.
Маълум қилинишича, тегишли ҳужжат 2026 йил 8 май куни давлат рўйхатидан ўтказилган. Янги қоида расман 3 ойдан кейин кучга киради.
Ҳозирги амалдаги тартибга кўра эса ҳужжатсиз валюта сотиб олиш лимити 100 доллар этиб белгиланган.
Янги ўзгаришлар фуқаролар учун валюта айирбошлаш жараёнини соддалаштириши кутилмоқда.
Шунингдек, банк ҳисобварағи очмасдан амалга ошириладиган операцияларда мижозни текшириш мажбурий бўлган миқдор ҳам ўзгартирилиши мумкин. Амалда бу чегара 500 БҲМга тенг бўлса, янги таклифда у қатъий сумма — 175 миллион сўм этиб белгиланмоқда.
