Жорий йил 25 апрель куни соат 17:40 атрофида Тошкент шаҳри Яккасарой тумани ҳудудида йўл-транспорт ҳодисаси содир бўлди.
Chevrolet Cobalt автомобилни бошқариб кетаётган 1988 йилда туғилган ҳайдовчи KХАЙ кўчаси 7-уй қаршисида йўлнинг белгиланмаган қисмидан ўтаётган 1948 йилда туғилган пиёдани уриб юборган.
ЙТҲ оқибатида пиёда олган тан жароҳатлари сабаб воқеа жойида вафот этган.
Ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси 2-қисми билан жиноят иши қўзғатилган. Тергов ҳаракатлари давом этмоқда.
Расмийлар йўл ҳаракати қатнашчиларини қоидаларга қатъий риоя қилишга чақирди ҳамда марҳумнинг яқинларига ҳамдардлик билдирди.
