Troll.uz маълумотларига кўра, Тошкентдаги “O‘z Zamin” турар жой мажмуасининг 9–13-қаватлари оралиғида ёнғин содир бўлган. Ҳозирда ёнғин сабаблари ўрганилмоқда.
Мажмуа 2025 йил иккинчи чорагида топширилиши керак эди, бироқ орадан бир йил ўтганига қарамай, ҳануз фойдаланишга топширилмаган.
Шунга қарамай, айрим оилалар мажбурий равишда битмаган уйларга кўчиб кирган.
Қайд этилишича, улушдорлар муаммолар ҳақида очиқ ёзишдан қўрқмоқда — бунга сабаб шартномадаги кескин жарималар.
Аввал мутасаддилар бу бандлар қонунчиликка зид эканини билдирган бўлса-да, вазият ўзгаришсиз қолмоқда.
Сўнгги ёнғин эса кечикишлар ортида нафақат молиявий, балки жиддий хавфсизлик муаммолари ҳам борлигини кўрсатди.
