Шимолий Корея етакчиси Ким Чен Ин мамлакат Олий халқ мажлисининг сессиясидан сўнг яна Президент этиб қайта сайланди. У 99,93 фоиз овоз билан тасдиқланган, сайловда иштирок этиш даражаси эса 99,99 фоизни ташкил этган.
Пхеньянда ўтказилаётган йиғилишда социалистик конституцияга ўзгартиришлар киритиш, шунингдек, давлат раҳбарлик органларини шакллантириш масалалари кўриб чиқилмоқда. Шу билан бирга, мамлакатнинг янги беш йиллик иқтисодий режаси ҳам муҳокама қилинмоқда.
Айни пайтда Ким Чен Иннинг Жанубий Кореяга нисбатан “икки душман давлат” сиёсатини конституция даражасида мустаҳкамлаш эҳтимоли диққат марказида турибди. У сўнгги йилларда икки давлатни бирлаштириш ғоясидан воз кечганини билдирган.
Шунингдек, унинг синглиси Ким Ё Чжонг Давлат ишлари комиссияси таркибида кўринмаган. Мутахассислар буни унинг таъсири пасайгани эмас, балки вазифалар қайта тақсимлангани билан изоҳламоқда.
