Исроилнинг жанубидаги Арад шаҳрига ракета ҳужуми оқибатида камида 88 киши жароҳат олди.
Бу ҳақда Magen David Adom (Довуднинг Қизил Қалқони) тез тиббий ёрдам хизмати ижтимоий тармоқларда эълон қилди.
"88 нафар жароҳатланган одам касалхоналарга олиб кетилди, улардан 10 нафари оғир аҳволда, 19 нафари ўртача оғирликдаги ва 55 нафари енгил жароҳатлар билан", дейилади баёнотда.
Исроилнинг 12-канали маълумотларига кўра, ярадорларни эвакуация қилиш учун вертолётлар сафарбар қилинган.
"Ҳаво мудофааси тизимлари ишлаётган эди, аммо ракетани тўхтата олмади. Биз воқеани текширамиз ва ундан сабоқ оламиз", деб хабар берди канал исмини ошкор қилмаган Исроил армияси вакилининг сўзларини келтирди.
ОАВ хабарига кўра, зарбалар натижасида камида тўққизта бино зарар кўрган ва баъзилари қулаши мумкин.
