Тадқиқот раҳбари Кеничи Йошиданинг айтишича, бу тур Т-ҳужайрали ўткир лимфобластик лейкознинг кичик варианти бўлиб, иммун ҳужайралардан ривожланади. Мингдан ортиқ ҳолат ўрганилган тадқиқотда 7 ёшдан 35 ёшгача бўлган 14 беморда аниқланган ва ўртача ёш 17 ни ташкил этган. Йошиданинг таъкидлашича, касаллик юқори хавф гуруҳига киради ва даволаш натижалари кўпинча ноқулай бўлади.
Бу турнинг асосий хоссаси — стандарт текширувларда кўпинча аниқланмай қолиши ва кам учрайдиган хромосома ўзгариши орқали агрессив ўсиши. Замонавий генетик таҳлиллар ва гематопоэтик илдиз ҳужайралар трансплантацияси бу касалликда соғайиш имконини оширишда муҳим аҳамиятга эга.
Йошида олинган натижалар янги даволаш усулларини ишлаб чиқишда истиқбол беради ва келажакда ўсмирлар ва ёши катталар орасида қон сарaтони билан боғлиқ ҳолатларни камайтиришга ёрдам беради.
