Tadqiqot rahbari Kenichi Yoshidaning aytishicha, bu tur T-hujayrali o‘tkir limfoblastik leykozning kichik varianti bo‘lib, immun hujayralardan rivojlanadi. Mingdan ortiq holat o‘rganilgan tadqiqotda 7 yoshdan 35 yoshgacha bo‘lgan 14 bemorda aniqlandi va o‘rtacha yosh 17 ni tashkil etgan. Yoshidaning ta’kidlashicha, kasallik yuqori xavf guruhiga kiradi va davolash natijalari ko‘pincha noqulay bo‘ladi.
Bu turning asosiy xossasi — standart tekshiruvlarda ko‘pincha aniqlanmay qolishi va kam uchraydigan xromosoma o‘zgarishi orqali agressiv o‘sishi. Zamonaviy genetik tahlllar va gematopoetik ildiz hujayralari transplantatsiyasi bu kasallikda sog‘ayish imkonini oshirishda muhim ahamiyatga ega.
Yoshida olingan natijalar yangi davolash usullarini ishlab chiqishda istiqbol beradi va kelajakda o‘smirlar va yoshi kattalar o‘rtasida qon saratoni bilan bog‘liq holatlarni kamaytirishga yordam beradi.
