Qirg‘iziston Milliy xavfsizlik davlat qo‘mitasi sobiq raisi Qamchibek Tashiyev 19 mart kuni mamlakatga qaytib, Ichki ishlar vazirligining Bosh tergov boshqarmasiga olib borildi va so‘roq qilindi. Bu haqda “Sputnik” xabar berdi.
Tashiyev xorijdan kelganidan so‘ng soat 10:00 atrofida darhol tergov idorasiga olib borilgan. Hozircha Ichki ishlar vazirligi bu ma’lumotni rasman tasdiqlamagan va Tashiyevning tergov doirasidagi protsessual maqomi ham ochiqlanmagan.
Ma’lumotlarga ko‘ra, u 17 fevraldan beri mamlakat tashqarisida bo‘lgan. Avval Germaniyada davolanishini to‘xtatib vataniga qaytgan, bir necha kundan so‘ng yana xorijga chiqqan.
10 fevral kuni Qamchibek Tashiyev Prezident Sadir Japarov farmoni bilan lavozimidan ozod etilgan va bu qarorini jamiyatda bo‘linishga yo‘l qo‘ymaslik istagi bilan izohlagan. Uning iste’fosidan so‘ng Milliy xavfsizlik davlat qo‘mitasida bir qator lavozimlarda o‘zgarishlar amalga oshirilgan.
Qamchibek Tashiyev va Sadir Japarovning ko‘p yillik hamkorligi mamlakatdagi eng barqaror siyosiy tandemlardan biri hisoblanib kelgan. 2020 yil oktabr voqealaridan so‘ng ularning tandemlari yanada mustahkamlangan va Tashiyev xavfsizlik tizimining asosiy figurasi aylangan.
Hozirgi so‘roq jarayoni va unga nisbatan qo‘zg‘atilgan jinoyat ishlari Qirg‘izistonda siyosiy va huquqiy jihatdan jiddiy ahamiyatga ega hisoblanadi.
