Жондор туманида лицензиясиз фаолият юритган шахслар фуқаролардан минглаб доллар талаб қилгани маълум бўлди.
Ички ишлар вазирлиги хабар беришича, Бухоро вилоятининг Жондор туманида яшовчи эр-хотин узоқ вақт давомида фирибгарлик билан шуғулланиб келган. Улар тегишли лицензияга эга бўлмасдан туриб, фуқароларни Саудия Арабистонига Умра зиёратига юборишни ваъда қилган.
Маълум қилинишича, гумонланувчилар 4 нафар фуқаронинг ишончига кириб, ҳар биридан 1025 АҚШ долларидан пул олмоқчи бўлган.
Тезкор тадбир давомида эр-хотин жами 4000 АҚШ долларини фирибгарлик йўли билан қўлга киритаётган пайтда ашёвий далиллар билан ушланган.
Ҳозирда уларга нисбатан Жиноят кодексининг 168-моддаси 3-қисми “в” банди билан жиноят иши қўзғатилиб, тергов ҳаракатлари олиб борилмоқда.
