State Security Service of Uzbekistan ҳамда божхона органлари ҳамкорлигида ўтказилган тезкор тадбирларда Сирдарё Регион ва Сурхондарё Регионда жами 77 килограммга яқин наркотик моддалар мусодара қилинди.
Маълум қилинишича, Сирдарёнинг Ховос туманида Ўзбекистон–Тожикистон чегараси орқали контрабанда йўли билан ташлаб кетилган 6 та сумкани олаётган пайтда 1983 ва 1990 йилларда туғилган икки нафар маҳаллий фуқаро қўлга олинган. Сумкалар кўздан кечирилганда, уларнинг ичидан 8 кг 314 грамм героин ва 54 кг 458 грамм опий борлиги аниқланган.
Ҳолат юзасидан уларга нисбатан Жиноят кодексининг тегишли моддалари билан жиноят иши қўзғатилиб, қамоқ эҳтиёт чораси қўлланилган.
Сурхондарё вилоятининг Сариосиё туманида ўтказилган тезкор тадбирда эса 1984 йилда туғилган, мактаб ўқитувчиси бўлиб ишловчи фуқаро 14 кг 680 грамм опийни 180 минг АҚШ долларига сотаётган вақтида ашёвий далиллар билан қўлга олинган.
Мазкур ҳолат юзасидан ҳам жиноят иши қўзғатилиб, гумонланувчига нисбатан қамоқ эҳтиёт чораси қўлланган. Ҳозирда унинг жиноий шерикларини аниқлаш бўйича тергов ҳаракатлари давом этмоқда.
