Мексика ҳукумати америкалик миллиардер Илон Маскка нисбатан ҳуқуқий чоралар кўриш имкониятини муҳокама қилмоқда. Бунга унинг Мексика президенти Клаудия Шейнбаумни наркокартеллар билан боғлаган баёноти сабаб бўлган.
Илон Маск X ижтимоий тармоғида Шейнбаумнинг наркотрафикка қарши кенг кўламли уруш бошламаслик ҳақидаги видеосига муносабат билдириб, у картел раҳбарлари нима дейишни буюрган бўлса, шуни айтаётганини ёзган.
Мексика расмийлари мазкур баёнотни жиддий айблов сифатида баҳоламоқда ва айни пайтда Маскка қарши судга мурожаат қилиш масаласини кўриб чиқмоқда.
