Бухоро вилоятининг Олот туманида тўй кортежи иштирокидаги йўл-транспорт ҳодисаси содир бўлди. Бу ҳақда вилоят ИИБ маълум қилди.
Аниқланишича, кортеж таркибидаги Cobalt ва Malibu ҳайдовчилари йўл талашиб, кескин ҳаракатланган. Оқибатда Cobalt Malibu билан тўқнашиб, йўл четига чиқиб кетган.
Ҳолат юзасидан ҳайдовчиларга нисбатан Маъмурий жавобгарлик тўғрисидаги кодекснинг тегишли моддаларига асосан баённомалар расмийлаштирилган.
Иш судда кўриб чиқилиб, ҳайдовчилардан бирига 1 йил муддатга транспорт воситасини бошқариш ҳуқуқидан маҳрум қилиш жазоси ҳамда БҲМнинг 25 баравари — 10 млн 300 минг сўм миқдорида жарима тайинланган.
