Криштиану Роналду Саудия Арабистонининг Ал-Наср жамоаси бош мураббийи Жорже Жезушнинг қарорига кўра, Чемпионлар лигаси 2-тури доирасидаги Аркадағга қарши жавоб ўйини учун таркибга киритилмади. Бу ҳақда “Speedline” нашри хабар берди.
Манбаларга кўра, клуб сардори ва Португалия терма жамоаси етакчиси бугунги, 18 февраль кунги учрашувда иштирок этмайди. Мураббийлар штаби Роналдуни олдиндан таркибдан чиқариш тўғрисида қарор қабул қилган, аммо бу қарор сабаби ҳозирча номаълум.
Эслатиб ўтамиз, Роналду аввал Саудия инвестиция жамғармасига қарши норозилик намойишларидан сўнг бир нечта ўйинларни ўтказиб юборган, жумладан, “Аркадағ”га қарши сафар учрашувини ҳам. Кейин у таркибга қайтгач, ўзининг биринчи ўйинида битта гол киритган.
Маълумот учун, Туркманистон клубига қарши биринчи ўйин “Ал-Наср”нинг 1:0 ҳисобидаги ғалабаси билан якунланганди. Шунингдек, аввалроқ Роналду ёзги трансфер ойнасида Ал‑Ҳилолга ўтиши мумкинлиги ҳақида хабарлар тарқалган эди.
