Корхона Беларуснинг “Energokomplekt” компанияси билан ҳамкорликда “Enco Group” технопарки ҳудудида 21 гектар майдонда барпо этилган. Лойиҳа қиймати 60 миллион доллар бўлиб, тўлиқ ишга тушгач 600 га яқин янги иш ўрни яратилади.
Йилига 25 минг тонна маҳсулот ишлаб чиқариш режалаштирилган бўлиб, экспорт салоҳияти 300 миллион долларни ташкил этиши кутилмоқда.
Қурилишнинг биринчи босқичи 98 фоизга якунланган, маҳсулотлар Германия, Латвия, Эстония, Болгария ва МДҲ давлатларига экспорт қилиниши режалаштирилган.
Президент Шавкат Мирзиёев корхона раҳбарларига маҳсулот турларини кўпайтириш, маҳаллийлаштириш даражасини ошириш ва экспортбоп рақобатбардош маҳсулот ишлаб чиқаришни кучайтириш бўйича кўрсатмалар берди.
