“Россия ўз фуқароларини кузатув ва сиёсий цензура учун яратилган давлат назоратидаги иловадан фойдаланишга мажбурлаш учун ъТелеграмъга киришни чекламоқда. 8 йил аввал Эрон ҳам худди шуни қилган ва муваффақиятсизликка учраган”, — деб ёзди Дуров ўз Telegram каналида.
Унинг сўзларига кўра, Эрон ҳукумати мессенжер фаолиятини “сунъий баҳоналар” билан тақиқлаган, бироқ фойдаланувчилар блокировкага қарамай платформадан фойдаланишда давом этган.
РБК манбаларига кўра, 10 февраль куни Россияда “Телеграм”нинг қисман чекланиши бошланган. 9 февралдан эътиборан мамлакатнинг ўнлаб ҳудудларида фойдаланувчилар хабар юбориш, фото ва видеоларни юклашда узилишлар юзага келгани ҳақида шикоят қилган. Расмийлар чекловлар сабабларига оид аниқ изоҳ бермаган бўлса-да, “қонунчилик талаблари” ва “ахборот хавфсизлиги” масалалари тез-тез тилга олинмоқда.
Шу фонъда Россия ҳукумат идоралари “МАХ” давлат мессенжерини фаол тарғиб қилмоқда. Давлат думаси депутати Андрей Свинсов “Телеграм”ни олти ой ичида тўлиқ блоклаш эҳтимоли борлигини айтган.
Мутахассислар эса “МАХ” иловасининг махфийлик сиёсати ва техник имкониятлари юзасидан хавотир билдирмоқда. “ГитҲуб” таҳлилларида илова кенг тизим ҳуқуқларига эга экани қайд этилган. Дуров эса бундай ёндашувни “эркинликка таҳдид” деб атаб, “Телеграм” фойдаланувчиларнинг шахсий ҳаёти ва сўз эркинлигини ҳимоя қилишда давом этишини билдирган.
