“24.kg” хабарига кўра, ҳодиса жорий йилнинг 7 февраль куни содир бўлган. Жазони ижро этиш давлат хизмати маълум қилишича, 41 ёшли айбланувчининг жасади соат 12:30 атрофида камерадан аниқланган. Дастлабки маълумотларга кўра, у ўз жонига қасд қилган бўлиши мумкин. Ҳолат юзасидан терговга қадар текширув ишлари олиб борилмоқда.
Қумарбек Абдиров 2025 йил сентябрь ойида 17 ёшли Ойсулув Мукашевани зўрлаб ўлдирганликда айбланиб ҳибсга олинган эди. Тергов давомида у бир нечта аёлни зўрлаб, ўлдирганини тан олган. У такси ҳайдовчиси бўлиб ишлагани, қурбонларни асосан шаҳар четида ва тоғли ҳудудларда ўлдиргани маълум қилинган.
Маълумотларга кўра, Абдиров аввал ҳам жиноий жавобгарликка тортилган бўлиб, 2016 йилда қотилликка уриниш учун 12 йилга қамалган, кейинчалик жазо муддати қисқартирилиб, 2018 йилда муддатидан олдин озодликка чиққан.
Мазкур иш жамоатчиликда кенг муҳокамаларга сабаб бўлган. Шунингдек, Абдировнинг муддатидан олдин озод этилишига алоқадор бўлган Бишкек шаҳар судининг уч нафар собиқ судьяси ва бир нафар прокурор ҳам ҳибсга олинган.
