Йиғилишда сўнгги йилларда вилоятда иқтисодиёт диверсификацияси, саноат ва қишлоқ хўжалиги соҳаларида барқарор ўсишга эришилгани маълум қилинди.
Аҳоли жон бошига ялпи ҳудудий маҳсулот 2017 йилда 7 млн сўмдан 2025 йилга келиб 26,6 млн сўмга ошган. Шу билан бирга, 519 минг нафар аҳоли бандлиги таъминланиб, 53 минг оила камбағаллик рўйхатидан чиқарилган.
Фарғона учун умумий қиймати 8,2 млрд долларлик янги инвестиция лойиҳалари пакети шакллантирилди.
Жорий йилда 4,2 млрд долларлик лойиҳалар ишга туширилиши режалаштирилган, шу жумладан саноат, қишлоқ хўжалиги, туризм ва IT соҳаларига алоҳида эътибор қаратилади.
Давлат раҳбари барча лойиҳалар аҳоли бандлиги ва турмуш даражасини оширишга хизмат қилиши лозимлигини таъкидлади.
